കൊച്ചു കുരുവിയോട്

അല്ല, ഈ മാനത്ത് പാറി നടക്കുന്ന കാക്കകളെയും കുരുവികളേയും ഒക്കെ ആരാ പുലര്‍ത്തുന്നത് ? ഇവയൊന്നും നമ്മെപ്പോലെ കൃഷി ചെയ്തു ആഹാരം ഉണ്ടാക്കുന്നില്ലല്ലോ.. പിന്നെ അവയ്ക്കൊക്കെ കൃത്യ സമയത്തു തീറ്റ കൊടുക്കുന്നത് ആരാണ് ? ഒരിക്കലെങ്കിലും അങ്ങനെ ഒരു സംശയം തോന്നിയിട്ടില്ലേ?

നമുക്കു കൊച്ചു കുരുവിയോടു തന്നെ ചോദിച്ചു കളയാം:

കുട്ടി:

കൊച്ചു കുരുവീ, നീയെങ്ങു പോണു
വിതക്കാനോ ? കൊയ്യുവാനോ ?

കുരുവി:

കൊച്ചു കുഞ്ഞേ എന്‍ വാക്കു കേള്‍ക്കൂ
വിതക്കുന്നില്ല ഞാന്‍ കൊയ്യുന്നുമില്ല

എന്‍ താതന്‍ എന്നെ പുലര്‍ത്തും
എനിക്കിനി ഭീതി ഇല്ല തെല്ലുമേ..

രചന: ജോര്‍ജ് പീറ്റര്‍

ഗാനം ഇതാ, ഇവിടെ കേള്‍ക്കാം:





ഈ വാക്യങ്ങള്‍ കൂടെ ഒന്നു ശ്രദ്ധിക്കണേ:

സങ്കീര്‍ത്തനം: 147: 9: "അവന്‍ മൃഗങ്ങള്‍ക്കും കരയുന്ന കാക്കക്കുഞ്ഞുങ്ങള്‍ക്കും അതതിന്റെ ആഹാരം കൊടുക്കുന്നു".

മത്തായി: 6:26: "ആകാശത്തിലെ പറവകളെ നോക്കുവിന്‍ ; അവ വിതെക്കുന്നില്ല, കൊയ്യുന്നില്ല, കളപ്പുരയില്‍ കൂട്ടിവെക്കുന്നതുമില്ല എങ്കിലും സ്വര്‍ഗ്ഗസ്ഥനായ നിങ്ങളുടെ പിതാവു അവയെ പുലര്‍ത്തുന്നു"